اسلام آباد ۔ 2 نومبر (اے پی پی) گڈانی شپ یارڈ وچ تباتھیونڑ آلے جہاز وچ بئیاں 4 لاشاں کڈھ گھدیاں گئیاں جیندے بعد جاں بحق بندیاں دی تعداد17 تھی گئی ہے۔ نجی ٹی وی چینل حکام دے حوالے نال خبر ڈیندے ہوئیں اپنڑی رپورٹ وچ آکھیا جو کراچی شپ یارڈ وچ تباہ تھیونڑآلے مال بردار بحری جہازوچ لگنڑآلی بھاہ تے70 فیصد قابو کر گھدے گئے۔ رپورٹ دے مطابق بھاہ دی لپیٹ وچ آئے جہاز وچوں بئیاں 4 لاشاں کڈھنڑ دے بعد جاں بحق تھیونڑ آلے مزدراں دی تعداد 17 تھی گئی ہے جڈانجو 70 بندے زخمی ہن جنہاں کوں طبی امداد ڈتی ویندی پئی ہے۔ واضح رہوے جو گزریل ڈینھ گڈانی دے شپ بریکنگ یارڈ وچ لاتے گئے ناکارہ بحری جہاز تے مزدور، گیس کٹر دے ذریعے جہاز دے مختلف حصیاں کوں تروڑ ن وچ مصروف ہن جو وقفے وقفے نال دھماکے شروع تھی گئے ۔دھماکیاں دے بعد جہاز وچ بھاہ لگ گئی، کئی مزدوراں سمندر وچ ٹرپ مار تے جان بچائی ۔
