،وزیراعظم دے مشیر برائے امور خارجہ سرتاج عزیز دا خصوصی سفارتی کورس اتے 24 ویں جونیئر ڈپلومیٹک کورس دی گریجویشن تقریب نال خطاب

اسلام آباد ۔ 30 دسمبر (اے پی پی) وزیراعظم دے مشیر برائے امور خارجہ سرتاج عزیزآکھیاجو پاکستان کوں انتہا پسندی تے دہشت گردی دا سامنڑاں اے،حکومت نیشنل پلان اتے آپریشن ضرب عضب نال انتہا پسندی اتے دہشت گردی دے خاتمے سانگے اقدامات کیتن،پاکستان آزادی،انصاف اتے مساوات تے مبنی ہک عالمی نظام دا عزم رکھیندے۔جمعہ کوں اتھاں 36 ویں خصوصی سفارتی کورس (پی ایس پی آفیسر) اتے 24 ویں جونیئر ڈپلومیٹک کورس (فارن ڈپلومیٹس) دی گریجویشن تقریب نال خطاب کریندیں ہوئیں آکھیاجو پوری دنیا اچ غربت دے خاتمے اتے سماجی تے اقتصادی ترقی سانگے پاکستان دی کمٹمنٹ دا اظہار کیتے۔پاکستان کوں درپیش چیلنجاں دا ذکر کریندیں ہوئیں سرتاج عزیز آکھیا جو پاکستان 20کروڑ عوام دی ہک مضبوط قوم اے جیڑھی جو بھرپور انسانی وسائل اتے قدرتی وسایل نال لیس اے اتے اونکوں انتہاپسندی اتے دہشت گردی دا سامنڑاں اے۔انہاں آکھیا جو فارن سروس دے 10پروبشنز افسر6ہفتے دے تربیتی پروگرام سانگے ہالینڈ ویسن جئیں دا مقصد انہاں دی مہارتاں اچ وداھارا اے۔