حکومت پائیدار ترقی دے حصول سانگے وژن 2025ءدے قدامات کریندی پئی ہے،وفاقی وزیر موسمیاتی تبدیلی زاہد حامد

سی پیک نال خطے دے ملکاں اچ معاشی تعلقات ودھ ویسن ،ترقی تے خوشحالی اچ ودھارا تھیسی
چیئرمین سرمایہ کاری بورڈ ڈاکٹر مفتاح اسماعیل ایس ڈی پی آئی اچ کانفرنس توں خطاب
خطے اچ امن تے خوشحالی سانگے خطے دے ملکاں وچال تعاون ضروری ہے،سرتاج عزیز
اسلام آباد ۔ 8 دسمبر (اے پی پی) سرمایہ کاری بورڈ دے چیئرمین ڈاکٹر مفتاح اسماعیل آکھیا ہے جو سی پیک نال خطے دے ملکاں اچ معاشی تعلقات ودھ ویسن ،ترقی تے خوشحالی اچ ودھارا تھیسی ،۔چارے صوبیں کوںسی پیک منصوبے نال ہکو جہیے موقع حاصل تھیسن جیں نال خوشحالی امسی اتے روزگار دے موقع پیدا تھیسن ۔انہاں خیالاں دا اظہار انہاں ایس ڈی پی ئی اچ19ویں پائیدار ترقی دے حوالے نال کانفرنس توں خطاب کریندے ہوئیں آکھیا انہاں آکھیا جو منصوبے دے پورا تھیونڑ نال چینی سرمایہ کاراں ولوں پورے ملک اچ 150ارب ڈالر دی سرمایہ کاری تھیسی ۔انہاں آکھیا جو ملک اچ توانائی دیاں ضرورتاں کوں پورا کرنڑ سانگے تاپی تے کاسا 1000منصوبیں تے توجہ ڈتی گی ہے ۔انہاں آکھیا جو ایں منصوبے سانگے تربیت یافتہ افرادی قوت دی لوڑ پمسی ۔کانفرنس دے افتتاح تے وزیراعظم دے معاون خصوصی خارجہ امور سرتاج عزیز آکھیا جو خطے اچ امن تے خوشحالی سانگے خطے دے ملکاں وچال تعاون ضروری ہے ۔انہاں آکھیا جو ہزاریہ ترقیاتی اہداف دے حصول سانگے علاقائی تے بین الاقوامی ملکاںوچال ہک ڈوجھے نال تعاون ضروری ہے ۔کانفرنس دی صدارت کریندے ہوئیں وفاقی وزیر موسمیاتی تبدیلی زاہد حامد آکھیا جو پائیدار ترقیاتی اہداف دے حصول سانگے حکومت وژن 2025دے تحت ودھ سارے اقدامات کریندی پئی ہے ۔