وزیراعلیٰ شہبازشریف دا مظفرگڑھ دے پوزیشن ہولڈر نابینا طالب علم اتے اوندے ٹبر سانگے 10لکھ روپے مالی امداد دا اعلان

لاہور۔یکم دسمبر(اے پی پی )وزیر اعلیٰ پنجاب محمد شہباز شریف ‘ مظفرگڑھ دی پسماندہ وستی توں تعلق رکھنڑ آلے پوزیشن ہولڈر نابینا طالب علم عامر شہزاداتے اوندے اتے اوندے ٹبر سانگے 10لکھ روپے مالی امداد دا اعلان کیتے۔وزیر اعلیٰ نابینا طالب علم عامر شہزاد دی قابلیت ،محنت اتے ذہانت کوں سراہندیں ہوئیں آکھیا جو حکومت عامر شہزاد دے سارے تعلیمی خرچے وی خود برداشت کریسی۔انہاں آکھیا جو گھٹ وسیلہ طبقیاں توں تعلق رکھنڑ آلے ذہین طلباء تے طالبات قوم دا اثاثہ ہن جیڑھے جو اوکھے ویلھے وی ہمت نی ہردے اتے گھٹ وسائل دے باوجود امتحان اچ اعلیٰ کارکردگی ڈکھیندن اتے آپنڑاں لوہا منویندن۔