پاک فوج دے سربراہ جنرل قمر جاوید باجوہ دا اٹک دے نیڑے بہادر رینج اتے سانجھی مشقاں دے جائزہ دے موقع تے خطاب

راولپنڈی۔ 29 دسمبر (اے پی پی) پاک فوج دے سربراہ جنرل قمر جاوید باجوہ آکھیا جو جنگ دی نوعیت ہنڑ بدل گئی اے،پاک فوج کامیابی نال دہشت گردی کوں ہرائے ،پاک فوج ہر قسم دے خطریاں دا بھرپور جواب ڈیونڑ دی صلاحیت رکھیندی اے۔او خمیس کوں ا اٹک دے نیڑے بہادر رینج اتے سانجھی مشقاں دے جائزہ دے موقع تے خطاب کریندے پئے ہن۔پاک فوج دے شعبہ تعلقات عامہ(آئی ایس پی آر) دے مطابق پاک فوج دے سربراہ جنرل قمر جاوید باجوہ اٹک دے نیڑے بہادر رینجرز دا دورہ کیتا اتے اتھاں پاک اردن سانجھی مشقاں فجر الشرق ون دا مشاہدہ کیتا۔انسداد دہشت گردی سانگے اے سانجھی مشقاں ڈو ہفتیاں دی ہن جئیں اچ ڈوہاں ملکاں دی فوج ہک ڈوجھے دے تجربیاں توں فائدہ چاتا۔ایں موقع تے خطاب کریندیں ہوئیں پاک فوج دے سربراہ کا میاب مشقاں تے منتظمین کوں مبارک ڈتی اتے فوج دی پیشہ وارانہ صلاحیت کوں سراہیا۔