اسلام آباد ۔ 28 دسمبر (اے پی پی) وزیر مملکت برائے اطلاعات، نشریات تے قومی ورثہ مریم اورنگزیب آکھیا جو عومت عوام نال کیتے گئے وعدے پورے کرنڑ آلے پاسے ٹردی پئی اے،وزیراعظم محمد نواز شریف ولوں چشمہ تھری نیو کلیئر پاورپلانٹ دا افتتاح قوم سانگے وڈی خوشخبری اے،تعلیم ،صحت اتے تجارت اچ نجی شعبہ دا کردار بہوں اہم اے،ماحول سازگار ہوسے تاں اساڈی صنعت ترقی کریسی،ملک اچ فلمی صنعت دی ترقی دے وڈے موقع موجود ہن ،وزیر اعظم دی تعلیمی اصلاحات پروگرام تے کم تھیندا پئے،نینگراں دے ذریعہ پاکستان دے مثبت تشخص کوں اجاگر کیتا ونج سگدے،جڈاں2013ء اچ اساں حکومت سنبھالی تاں اے سوکھا سفر کائنا ہئی،وزیر اعظم دے وژن دے تحت کم کر تے معیشت دی ترقی اتے توانائی دے بحران تے قابو پاتا گئے ،بجلی دی لوڈشیڈنگ کوں 17گھنٹیاں توں گھٹ کر تے ترائے گھنٹیاں تے آندا گئے جیڑھی جوبہوں وڈی کامیابی اے۔اے گالھیں انہاں بدھ کوں سلام آباد چیمبرآف کامرس اینڈ انڈسٹری دے دورہ دے موقع تے تاجر برادری نال خطاب کریندیں ہوئیں آکھی۔انہاں آکھیا جو حکومت دہشت گردی دے خلاف موثر حکمت عملی بنڑائی اتے پاکستان دی تریخ دی پہلی انٹرنل نیشنل سکیورٹی پالیسی ڈتی۔
