اسلام آباد ۔ 28 دسمبر (اے پی پی) محکمہ موسمیات آکھیا ہے جو آندے 24گھنٹے اچ موسم رکھا تے ٹھڈا رہسی ۔پی ٹی وی دی رپورٹ دے مطابق گزریل 24گھنٹے دے دوران ملک دے ودھ سارے علاقیں اچ موسم ٹھڈا تے رکھا رہیااتے پنجاب دے میدانی علاقے تے اتلے سندھ دے علاقے کوہیڑ دی وکیڑ اچ رہیے ۔جڈاں جو شمالی علاقہ جات اتے شمالی بلوچستان دے ودھ سارے علاقے بہوں ٹھڈے رہے ۔محکمہ موسمیات آندے 24گھنٹے دے دوران وی ملک دے ودھ سارے علاقیں اچ موسم بدستور رکھا تے ٹھڈا رہنڑ دی پیش گوئی کیتی ہے اتے پنجاب دے میدانی علاقیں تے اتلے سندھ اچ سویل دے ویلھے کوہیڑ پوونڑ دا امکان ظاہر کیتا ہے ۔ساریں توں گھٹ درجہ حرارت گلگت بلتستان دے علاقے سکر دو اچ منفی 10ڈگری سینٹی گریڈ ریکارڈ کیتا گیا ۔محکمہ موسمیات آکھیا ہے جو آندے مہینے دے دوران وی بارش دا امکان بہوں گھٹ ہے جیں نال پانڑیں دی گھٹکی تے کنڑنک دی فصل متاثر تھیونڑ دا ڈر ہے ۔
