اسلام آباد ۔ 18 دسمبر (اے پی پی) محکمہ موسمیات دے مطابق آندے 24گھنٹیاں اچ ملک دے بہوں سارے علاقیاں اچ موسم ٹھڈا تے رُکھا راہسی ۔ جڈانجو پنجاب، خیبرپختونخوا دے میدانی علاقیاں اتے اُتلے سندھ اچ رات اتے سویل دے ویلھے کوہیڑ دا سلسلہ جاری راہسی ۔ رپورٹ دے مطابق گزریل 24 گھنٹیاں اچ ملک دے بہوں سارے علاقیاں اچ موسم ٹھڈا تے رُکھا راہسی ، جڈانجو پنجاب دے میدانی اتے اُتلے سندھ دے بہوں سارے علاقیاں ا چ کوہیڑ رہی ۔ اتوار کوں ملک اچ گھٹ توںگھٹ درجہ حرارت دی رپورٹ دے مطابق سکردو اچ درجہ حرارت منفی 10 ڈگری سینٹی گریڈ تئیں تھی گیا جڈانجو ہنزہ، گلگت ،گوپس اچ منفی05، استورمنفی 04، دیر،کالام منفی 03، قلات، بگروٹ، مالم جبہ منفی 02، راولاکوٹ، چترال اتے بونجی اچ منفی ہک ڈگری سینٹی گریڈ ریکارڈ کیتا گیا۔
