آندے 24گھنٹے دے دوران ملک دے ودھ سارے علاقیں اچ موسم ٹھڈا تے رکھا رہسی ،مالاکنڈ ڈویژن، بالائی فاٹا،کشمیر اتے گلگت بلتستان اچ کجھ جہیں تے ہلکا مینھ تے پہاڑاں تے برف پوونڑ دا امکا ن ہے ،محکمہ موسمیات

اسلام آباد ۔ 13 دسمبر (اے پی پی) آندے 24گھنٹے دے دوران ملک دے ودھ سارے علاقیں اچ موسم ٹھڈا تے رکھا رہسی ۔تاں جو مالاکنڈ ڈویژن، بالائی فاٹا،کشمیر اتے گلگت بلتستان اچ کجھ جہیں تے ہلکا مینھ وسنڑ اتے پہاڑاں تے برف پوونڑ دا امکان ہے جڈاں جو پنجاب اتے کے پی کے دے میدانی علاقیں اتے اتلے سندھ اچ ودھ ساری کوہیڑ دا سلسلہ جاری ہے ۔محکمہ موسمیات دے مطابق گزریل 24گھنٹے دے دوران ملک دے ودھ سارے علاقیں اچ موسم ٹھڈا تے رکھا رہیا۔جڈاں جو پنجاب دی میدانی اتے اتلے سندھ دے ودھ سارے علاقے کوہیڑ دی وکیڑ اچ رہیے ۔رپورٹ دے مطابق مالاکنڈ، ہزارہ، راولپنڈی ڈویژن،کشمیر اتے گلگت بلتستان اچ کجھ جہیں تے کھمنڑ نال مینھ تے پہاڑاں تے برف پئی ۔ ساریں توں ودھ مینھ مالم جبہ اچ 23 ملی میٹر، میرکھانی 14، پٹن، سیدوشریف 09، دیر 08، دروش 06، چترال 05، بالاکوٹ03،کاکو ل ہک ،گڑھی دوپٹہ 04، مظفرآباد03، پنجاب: مری اتے بگروٹ اچ ہک ملی میٹر بارش جڈاں جو کالام اچ05 انچ اتے مالم جبہ 02 انچ برفباری ریکارڈ کیتی گی۔