اسلام آباد ۔16 دسمبر (اے پی پی) محکمہ موسمیات دے مطابق آندے 24گھنٹے دے دوران ملک دے ودھ سارے علاقیں اچ موسم ٹھڈا تے رکھا رہسی جڈاں جو پنجاب ،کے پی کے دے میدانی اتے اتلے سندھ اچ رات تے سویل دے ویلھے کوہیڑ دا سلسلہ جاری رہسی ۔ رپورٹ دے مطابق گزریل 24گھنٹے دے دوران ملک دے ودھ سارے علاقیں اچ موسم ٹھڈا تے رکھا رہیا جڈاں جو پنجاب دے میدانی علاقیں اتے اتلے سندھ اچ دے ودھ سارے علاقے کوہیڑ دی وکیڑ اچ رہیے ۔جمعے دی سویل ریکارڈ کیتے گے درجہ حرارت دے مطابق سکردو اچ منفی 9 ڈگری سینٹی گریڈ تئیں گھٹ تھی گیا جڈاں جو کالام، استور، ہنزہ، گلگت، گوپس اچ منفی 4، دیر اچ منفی 3، بگروٹ اچ منفی 2، قلات، چترال، کوئٹہ، راولاکوٹ اتے مالم جبہ اچ درجہ حرارت منفی ہک ڈگری سینٹی گریڈ ریکار ڈ کیتا گیا ۔
