آندے 24گھنٹے دے دوران موسم ٹھڈا تے رکھا رہنڑ ،پنجاب دی میدانی تے سندھ دے اتلے علاقیں اچ سویل دے رات دے ویلھے کوہیڑ دا امکان ،ساریں توں ودھ سردی سکردو اچ پئی جتھاں درجہ حرارت منفی8 جڈاں جو گوپس، استور اچ درجہ حرارت منفی 7 ڈگری سینٹی گریڈ رہیا

اسلام آباد ۔ 26 دسمبر (اے پی پی) محکمہ موسمیات آندے 24گھنٹے دے دوران ملک دے ودھ علاقیں اچ موسم ٹھڈا تے رکھا رہنڑ دی پیش گوئی کیتی ہے جڈاں جو پنجاب دے میدانی علاقیں اچ اتے اتلے سندھ اچ سویل دے ویلھے تے رات دے ویلھے کوہیڑ پوونڑ دا امکان ہے ۔محکمہ موسمیات دے مطابق سنوا ر کوں ملک اچ ساریں توں ودھ سردی سکر دو اچ پئی جتھاں درجہ حرارت منفی 8ڈگری سینٹی گریڈ تئیں گھٹ تھی گیا جڈاں جو گوپس ، استور اچ درجہ حرارت منفی 7 ڈگری سینٹی گریڈ ، ہنزہ، گلگت اچ منفی 5، کالام، دیراچ منفی 4، قلات، کوئٹہ، بگروٹ، لوئر دیر اچ منفی 3 اتے راولاکوٹ اچ منفی 2 ڈگری سینٹی گریڈ ریکارڈ کیتا گیا۔ رپورٹ دے مطابق گزریل 24 گھنٹے دے دوران ملک دے ودھ علاقیں اچ موسم ٹھڈا تے رکھا رہیا تاں جوپنجاب دے میدانی اتلے سندھ دے علاقے کوہیڑ دی وکیڑ اچ رہیے ۔