اسلام آباد ۔ یکم دسمبر (اے پی پی)محکمہ موسمیات دے مطابق آندے 24گھنٹے دے دوران ملک دے ودھ سارے علاقیاں وچ موسم ٹھڈھا تے رکھا راہسی۔ تاں جو پنجاب دے میدانی علاقیں وچ سویل ویلھے دھند پونڑ دا امکان ہے۔ محکمہ موسمیات دی رپورٹ مطابق گزریل 24 گھنٹے دے دوران ملک دے ودھ سارے علاقیاں وچ موسم ٹھڈھا تے خشک رہیا جڈانجو اسلام آباد، پشاور، سکردو اتے راولاکوٹ وچ کجھ جئیں تے کینڑ مینڑ تھئی۔محکمہ موسمیات مطابق خمیس کوںملک وچ سبھ توں ٹھڈھا موسم قلات اتے ہنزہ وچ درجہ حرارت منفی 4 ڈگری سینٹی گریڈ، گوپس وچ منفی 2 اتے کالام وچ منفی ہک ڈگری سینٹی گریڈ ریکارڈ کیتا گیا۔
