اساکوں بدعنوانی دی لعنت دا سختی نال خاتمہ کرنڑان ہوسی ، ہوگا، چیئرمین نیب قمر زمان چوہدری

اسلام آباد ۔ 18 دسمبر (اے پی پی) چیئرمین نیب قمر زمان چوہدر ی آکھے جو بابائے قوم قائد اعظم محمد علی جناح پاکستان دی قنون ساز اسمبلی نال آپنڑیں خطاب دے دوران بدعنوانی کوں ساریاں توں وڈی لعنت قرار ڈتا ہئی جیہڑ ی جو اصل اچ ہک زہر ہے،اساکوں سختی نال ایں کوں مکاونڑاں ہوسی ۔ نیب ملک کوں بد عنوانی توں پاک بنڑاونڑ بارے قوم دیاں توقعات اُتے پورا آونڑ کیتے پرعزم ہے ۔ اتوار کوں آپنڑیں ہک بیان اچ چیئرمین نیب آکھیا جو قومی احتساب بیورو شکایات دی وصولی دے بعد کارروائی کرنڑآلا ادارہ ہے جیہڑ ا جو کرپشن ، بدعنوانی اتے لٹی ہوئی قومی دولت دی واپسی کیتے بنڑایا گئے ، نیب شکایات دی تصدیق اتے ایں بارے کارروائی دے سلسلے اچ جامع حکمت عملی مرتب کیتی ہے ۔ جیندے تحت مقدمے دی انکوائری اتے تحقیقات کیتی ویندی ہے ۔ نیب دے تحقیقاتی افسر طریقہ کار اُتے سختی نال عمل کریندے ہن اتے قنون دے مطابق شہادتاں دی بنیاد تے کہیں دے نال کئی وی چھوڑ کائنی ڈیندے ۔ انہاں آکھیا جو نیب مشترکہ تحقیقاتی ٹیم دے ذریعے کارروائی کریندے اچ جیندے اچ ڈو تحقیقاتی افسرجڈانجو ہک قنونی معاون شامل ہوندے اتے تحقیقات دے عمل کوں بہوں شفاف رکھیا ویندے ۔