حضرت خواجہ غلام فریددے 119ویں سالانہ عرس دی تقریبات 4جنوری توں شروع تھیسن

راجن پور۔30 دسمبر (اے پی پی )برصغیردے عظیم صوفی شاعر حضرت خواجہ غلام فرید دے 119ویں سالانہ عرس مبارک پنج ربیع الثانی 4جنوری 2017ء کوں شروع تھیسی۔تقریبات ترائے ڈینھ جاری رہسن۔آونڑ آلے سارے زائرین کوں چنگی توں چنگی سہولتاں ڈتیاں ویسن۔اے گالھیں اے ڈی سی محمدطارق نیاقی عرس دے انتظامات بارے اجلاس دی صدارت کریندیں ہوئیں آکھی۔ایں موقع تے جی اے آر سید کامران بخاری محکمہ اوقاف، پولیس ،میونسپل ایڈمنسٹریشن، واپڈا، صحت، ریسکیو1122، ہائی وے ، اطلاعات ، سپورٹس، سول ڈیفنس، ٹریفک اتے ریونیو ڈیپارٹمنٹ اتے بئے متعلقہ افسر موجود ہن ۔عرس دے موقع تے محفل سماع ،عظمت فرید کانفرنس اتے چراغاں تھیسی جڈانجو لنگر دا وی خصوصی انتظام ہوسی۔