راجن پور۔13 دسمبر(اے پی پی )پنجاب دے آخری ضلع راجن پور دی تحصیل روجھان مزاری دے کچے دے علاقہ چک عمرانی پٹ ، چک کبڑا، اتے چک بنوں کو ںڈاکوئواں توں مکمل کلیئر کراونڑ سانگے آپریشن ضرب آہن دا ڈوجھا مرحلہ شروع تھی گئیا۔آپریشن دے پہلے ڈینھ پولیس کوں وڈی کامیابی ملی اے جئیں اچ عرصہ دراز توں نو گو ایریا چک عمرانی کوں کلیئر کروا گھدا گئے جیڑھا جو بدنام زمانہ ڈاکو عطااللہ پٹ عمرانی،اوندے بھراواں اتے ساتھیاں دے قبضے اچ ہا۔ عطاء اللہ پٹ عمرانی ، اوندے ڈو بھرا سبز علی ، موج علی اتے13ساتھی فرار’چک عمرانی کلیئرکرواگھدا گئیا۔پولیس ڈاکواں دے ٹھکانڑیان تے قبضہ کر تے جھوپنڑیاں کوں اتے مورچیاں کوں بھا لا ڈتی اے۔ ڈسٹرکٹ پولیس آفیسر راجن پور حافظ عرفان اللہ مروت اے پی پی نال گالھ مہاڑ کریندیں ہوئیں آکھیا جو اخیری ڈاکو دے خاتمہ تئیں آپریشن جاری رہسی،ڈاکواں دے سہولت کاراں کوں وی پکڑیا گئے۔
