اسلام آباد ۔ 6 دسمبر (اے پی پی) وزارت منصوبہ بندی تے ترقیات اجوکے مالی سال دے سرکاری شعبے دے ترقیاتی پروگرام دے تحت نیشنل ہائی وے اتھارٹی دے ترقیاتی منصوبیں سانگے مجموعی طورتے ہنڑ تئیں 79 ارب 8 کروڑ 69 لکھ روپے دے فنڈز جاری کرڈتے ہن ۔ حکومت اجوکے مالی سال اچ نیشنل ہائی وے اتھارٹی دے ترقیاتی کماں سنگے ہک 88 ارب روپے دے فنڈزرکھیے ہن۔ پلاننگ کمیشن دے جاری اعداد وشمار دے مطابق حکومت لاہور۔عبدالحکیم سیکشن دی تعمیرسانگے 13 ارب 60کروڑ، سکھر بائی پاس کوں ڈو پاسے کرنڑ سانگے 20کروڑ، نیو اسلام آباد انٹر نیشنل ایئرپورٹ سانگے لنک روڈدی تعمیر سانگے ہک ارب 20کروڑ،سیالکوٹ۔ لاہور سیکشن دی تعمیر اتے زمین دی خریداری سانگے 4ارب ، گجرات اچ شاہین چوک اچ فلائی اووردی تعمیر سانگے 39کروڑ، تھاکوٹ توںحویلیاں موٹروے دی تعمیر سانگے ہک ارب 77کروڑ، برہان حویلیاں ایکسپریس وے دی تعمیر سانگے 46کروڑ، ڈی آئی خان موٹر وے 70کروڑ ، این 85 دی تعمیر دے 2ارب 80کروڑ، برہان ہکلہ سیکشن دی تعمیر سانگے 5ارب 80کروڑ روپے سمیت مختلف ترقیاتی منصوبیں سانگے فنڈز جاری کر ڈتے ہن۔
