اسلام آباد ۔21دسمبر(اے پی پی) وزیراعظم دے مشیر برائے امور خارجہ سرتاج عزیز آکھے جو سعودی عرب دے مختلف شہراں اچ 364 پاکستانی قیدی ہن ، عدالتی کارروائی اتے تفتیش دے دوران سعودی حکومت ملزماں کوں ترجمے دی سہولت ڈیندی ہے ، قیدیاں کیتے قونصلر سطح دی رسائی دا انتظام وی موجود ہے۔ بدھ کوں ایوان بالا دے اجلاس اچ سوالیں دے وقفے دے سینیٹر چوہدری تنویر خان اتے بئے رکناں دے سوالیں دے جواب اچ انہاں اے گالھ آکھی۔ انہاں آکھیا جو جکارتہ ا چ وی پاکستانی سفارتخانے ولوں پاکستانی قیدیاں دی مدد کیتے اقدامات کیتے گئے ہن اتے قیدیاں کوں انڈونیشیا دی حکومت ولوں وکلاءفراہم کیتے ویندے ہن ۔
