سپیکر قومی اسمبلی پائیدار ترقیاتی اہداف بارے پاکستان انسٹیٹیوٹ آف پارلیمنٹری سروسز اچ ڈو ڈینھ راﺅنڈ ٹیبل کانفرنس دے چھیکڑی سیشن توں (اج) خطاب کریسن

اسلام آباد ۔ یکم دسمبر (اے پی پی) سپیکر قومی اسمبلی سردار ایاز صادق پائیدار ترقیاتی اہداف دے حوالے نال پاکستان انسٹیٹیوٹ آف پارلیمنٹری سروسز (PIPS) اچ ڈو ڈینھ راﺅنڈ ٹیبل کانفرنس دے چھیکڑی سیشن توں اج جمعے کوں خطاب کریسن ۔ڈو ڈینھ کانفرنس دے افتتاحی سیشن اچ وزیر مملکت اطلاعات تے نشریات مریم اورنگزیب مہمان خصوصی ہن ۔ کانفرنس دا انعقاد پارلیمنٹری رپورٹرز ایسوسی ایشن، پیس اتے پارلیمنٹ دے زیر انتظام کیتا گیا ہے جیں اچ لاہور، کراچی، اسلام آباد سمیت بئے شہراں توں صحافیاں دی وڈی تعداد شریک ہے ۔ کانفرنس اچ پائیدار ترقیاتی اہداف دے حصول سانگے ذرائع ابلاغ دے کردار تے خمیس کوں منعقد سیشن اچ گالھ مہاڑ کیتی گی ۔ مختلف شعبیں نال تعلق رکھنڑ آلے ماہرین وی شریک ہن ۔