پشاور ۔ 30 دسمبر (اے پی پی)صدر ممنون حسین آکھیا جو او پورے اعتماد نال آکھدن جو پاک چین اقتصادی راہداری دے روٹ اچ کجھ وی تبدیلی کائنی کیتی گئی،روٹ بارے شکوک تے شبہات پھیلاونڑ آلے لوک قوم دی کوئی خدمت نی کریندے پئے جڈانجو انہاں دا اے طرز عمل وطن عزیز کوں ضیان پجاونڑ دے مترادف اے۔کجھ لوک راہداری دے روٹ بارے گالھیں کریندے پئن جڈانجو انہاں اچ کوئی صداقت کائنی،اے راہداری پورے پاکستان دی راہداری اے جئیں نال پور املک ہکو جیہا فائدہ چیسی۔دہشت گردی بارے عالمی درجہ بندی اچ پاکستان دی پوزیشن چنگی تھی گئی اے۔اے گالھ انہاں یومِ قائد اعظم بارے گورنر ہائوس پشاور اچ تھیونڑ آلی تقریب نال خطاب کریندیں ہوئیں آکھی۔تقریب اچ گورنرخیبر پختوانخوا اقبال ظفر جھگڑا، وزرائ، اراکینِ پارلیمنٹ، کارکنانِ تحریکِ پاکستان دے ٹبر اتے وڈی تعداد اچ حاضرین موجود ہن ۔ایوان صدر ولوں جاری بیان دے مطابق صدر مملکت ایں امر تے مسرت دا اظہار کیتا جو پاک چین اقتصادی راہداری دے بجٹ اچ ودھارا کیتا گئے اتے دہشت گردی بارے عالمی درجہ بندی اچ پاکستان پوزیشن چنگی تھی گئی اے۔
