اسلام آباد ۔ 26 دسمبر (اے پی پی) آزاد جموں و کشمیر دے صدر سردار مسعود خان آکھیا ہے جو بھارت ولوںغیر کشمیری ہندواں کوں کشمیر دے ڈومیسائل دی فراہمی اقوام متحدہ دی سلامتی کونسل دیاں قرارداداں دی واضح خلاف ورزی ہے۔ریڈیو پاکستان نال گالھ مہاڑ اچ انہاں بھارت دے ایں فیصلے دی مذمت کیتی تے آکھیا جو بھارت ولوں ایں قسم دے فیصلے دا مقصد ایں علاقے اچ آبادی دی ساخت تبدیل کرنڑ دی ہک مذموم کوشش ہے جیں نال کشمیریاں دی رستے اچ رکاوٹاں آ ویسن ۔آزاد کشمیردے صدر مزید آکھیا جو بھارت ولوں ایجھے اقدامات کرنڑ نال کشمیریاں دے حق خود ارادیت دی جدوجہد سانگے نینگراں کوں تقویت ملسی او ضرور اپنڑے مقصد اچ کامیاب تھی ویسن ۔
