اسلام آباد ۔ 16 دسمبر (اے پی پی) مشترکہ مفادات کونسل آندے سال 15مارچ توں قومی مردم شماری کراونڑ تے اتفاق کیتے جئیں اچ خانہ شماری اتے مردم شماری کٹھے کیتی ویسی۔وزیر اعظم محمد نواز شریف دی صدارت اچ مشترکہ مفادات کونسل دا اجلاس جمعہ کوں وزیر اعظم ہائوس اچ تھیا جئیں اچ اتفاق پاتا گئیا جو شماری ڈو مرحلیاں اچ کرائی ونج سگدی اے جڈانجو ہر مرحلہ سارے صوبیاں اچ ہکو ویلھے شروع کیتا ونجے ۔اجلاس اچ فیصلہ کیتا گئیا جو عمل درآمدی مسئلے طے کرنڑ سانگے سیکرٹری شماریات اتے چاریں چیف سیکرٹریز تے مشتمل کمیٹی بنڑائی ویسی،نیشنل سکیورٹی فنڈ دے قیام دا معاملہ نیشنل فنانس کمیشن دے حوالے،قومی جنگلات پالیسی دی اصولی منظوری،وزیر موسمیاتی تبدیلی کوں صوبائی حکومتاں نال رل تے کم کرنڑ دی ہدایت،پنجاب کوں خالص ہائیڈل منافع دی ادائیگی دی توثیق کیتی گئی۔
