مشیربرائے امور خارجہ سرتاج عزیز دا جرمنی اچ دہشت گردی دے حملے تے ودھ سارے ڈکھ دا اظہار کیتے

اسلام آباد ۔ 23 دسمبر (اے پی پی) وزیر اعظم محمد نواز شریف دے مشیربرائے امور خارجہ سرتاج عزیز جرمنی اچ دہشت گردی حملے اُتے ودھ سارے ڈکھ اتے افسوس دا اظہار کیتا۔ جرمن وزیر خارجہ فرینک والٹر سٹین میئر دے ناں آپنڑیں تعزیتی خط اچ انہاں ڈکھی ٹبراں نال دلوں تعزیت دا اظہار کیتا ۔ جرمنی دے شہر برلن اچ کرسمس بازار تے حملے اچ ودھ سارے لوک ہلاک تھی گئے ہن اتے بہوں سارے زخمی تھئے ہن ۔ سرتاج عزیز ہر قسم دی دہشت گردی دی مذمت کیتی اتے دہشت گردی دی لعنت کوں مکاونڑ کیتے جرمنی تے عالمی برادری نال عزم دا اظہارکیتا۔