اساں افہام تفہیم دی سیاست دا آغاز کریندے ہوئیں ڈوجھیاں جماعتاں دے مینڈیٹ دا حترام کیتا ہے ،ہک ڈوجھے کوں برداشت کرنڑ ہی جمہوریت ہے ،اساں میثاق جمہوریت تے قائم ہوں ،ترقی سانگے جتنی رقم خرچ تھیندی پئی ہے ایندی تاریخ اچ مثال کائنی ملدی ،آزاد کشمیر وی سی پیک دے منصوبیں توں مستفید تھیسی
مظفرآباد ۔ 29 دسمبر (اے پی پی) وزیراعظم محمدنواز شریف آکھیا ہے جو اساں افہام تفہیم دی سیاست دا آغاز کریندے ہوئیں ڈوجھیاں جماعتاں دے مینڈیٹ دا حترام کیتا ہے ،ہک ڈوجھے کوں برداشت کرنڑ ہی جمہوریت ہے ،اساں میثاق جمہوریت تے قائم ہوں۔ڈڈھ انچ دی انجھ مسیت بنڑاونڑ تے میں نا مناں دی پالیسی تے چلنڑ آلیں دا اساں ڈے کوئی علاج کائنی ،اے لا علاج مسئلہ ہے پاکستان اچ ترقی سانگے جتنی رقم خرچ تھیندی پئی ہے ایندی تاریخ اچ کوئی مثال کائنی ملدی ۔او خمیس کوں اتھاں آزاد کشمیر کونسل دے بجٹ اجلاس توں خطاب کریندے پے ہن ۔ایں موقع تے صدر آزاد کشمیرسردار مسعود خان ،وزیراعظم آزاد کشمیر راجہ فاروق حیدر، وفاقی وزیرخزانہ سینیٹر اسحاق ڈار، وفاقی وزیر تجارت خرم دستگیر، وفاقی وزیر امور کشمیر و گلگت بلتستان چوہدری برجیس طاہر اتے بئے وی موجود ہن ۔ وزیراعظم آکھیا جو قوم کوں اگر پتہ ہووے انہاں دی حکومت انہاں سانگے جدوجہد کریندی پئی ہے تاں عوام مطمئن تھیسن انہاں دا حکومت تے اعتما د قائم تھیسی ۔انہاں آکھیا جو اساں دل توں عوام دی خذمت کیتی ۔آزاد کشمیر دے عوام مسلم لیگ ن کوں مثالی مینڈیٹ ڈتا ،ایجھا مینڈیٹ قسمت نال ہی کہیں جماعت کوںملدا ہے ۔وزیراعظم آکھیا جو حکومت عوام دے اعتماد تے پور ا لہے ۔حکومت دے کم دے عوام کوں چنگے ثمرات ملنڑے چاہیدے ہن ۔وزیراعظم آکھیا جو جمہوریت دا مطلب دی برداشت دا مادہ رکھنڑ ہے ۔مثبت تنقید دا سامنڑاں کرنڑاں ہے اساں افہا م تفہیم دی سیاست دا آغاز کیتا ہے ۔انہاں آکھیا جو میثاق جمہوریت تے دستخط نال جمہوریت دے نویں دور دا آغاز تھیا ہا ۔اساں چارٹرڈ آف ڈیموکریسی تے پوری طرح عمل کریندے پیوں ۔وزیراعظم آکھیا جو سی پیک مثالی ترقی دا منصوبہ ہے ایندے تحت کئی منصوبیں تے کم جاری ہے ۔سی پیک دے بہترین نتیجے بر آمد تھیسن ۔سی پیک دے تحت ملک اچ سڑکاںتے موٹر ویز دا جال وچھایا ویندا پے ۔
