سراجیوو ۔ 21 دسمبر (اے پی پی) پاکستان اتے بوسنیا مختلف نویں شعبیاں اچ تعاون دا عزم کریندے ہوئیں توانائی دی پیداوار، تجارت، کاروبار اتے سرمایہ کاری اچ تعاون بیا ودھاونڑ تے اتفاق کیتے ۔ بدھ کوں وزیراعظم محمد نواز شریف اتے بوسنیا دے انہاں دے منصب چیئرمین منسٹرز کونسل ڈاکٹر ڈینس زیوزڈک پارلیمنٹ دی عمارت اچ خصوصی اتے وفود دی سطح تے گالھ مہاڑ دے اخیر تے مشترکہ پریس کانفرنس نال خطاب کریندے ہوئیں آپنڑیں گالھ مہاڑ کوں تعمیری اتے تفصیلی قرار ڈیندے ہوئیں آکھیا جو آپسی دلچسپی دے علاقائی اتے عالمی امور تے گالھ مہاڑ دے علاوہ ڈوہائیں ملکاں وچال تعلقات دی نوعیت تے وی گالھ مہاڑ کیتی ۔ ایں گالھ تے اتفاق کیتا گئے جو تجارت اتے سرمایہ کاری دے شعبیاں اچ تعاون کوں بیا ودھایا ویسی، جڈانجو کاروباری شعبیاں اچ سانجھے داری کیتے اقدامات کیتے ویسن ۔ وزیراعظم نواز شریف آکھیا جو انہاں ہائیڈل اتے کولے نال بجلی دی پیداوار سمیت بجلی دے شعبے اچ تعاون تے گالھ مہاڑ کیتی ۔ بوسنیا دے وزیراعظم آکھیا جو ڈوہائیں ملکاں ایں گالھ تے رضامند ظاہر کیتی ہے جو مختلف شعبیاں دی صلاحیت کوں نشابر کرنڑ سانگے ہک سانجھا کمیشن بنڑایا ونجے ۔ انہاں پاکستانی کاروباری برادری اتے انٹر پرینیورز دے وفدنال گالھ مہاڑ تے تسلی دااظہار کیتا۔ انہاں پاکستان تے بوسنیا وچال گزریل 25 سال توں تعاون دی تعریف کریندے ہوئیں پاکستانی کاشتکاراں کوں اپریل اچ تھیونڑآلی نمائش اچ شرکت دی دعوت ڈتی اتے توقع کیتی جو ایں نمائش اچ انہاں دی سانجھے داری نال ڈوہائیں ملکاں دے زراعت نال جڑیئے ہوئے لوک ہک بئے دے تجربیاں توں فیدہ چاءسگدے ہن ۔
