اسلام آباد ۔ 19 دسمبر (اے پی پی) وزیراعظم محمد نواز شریف آکھے جو ملک اچ وسیع تر اقتصادی موقعے تے صلاحیتاں توں بہوں فیدہ چاونڑ کیتے بجلی دی گھٹکی دا خاتمہ ضروری اے،موجودہ حکومت دیاں کوششاں نہ صرف بجلی دی گھٹکی کوںمکاونڑ کیتے ضروری ان جڈاں جو حکومت دے لمبی مدھ دے منصوبیاں اچ دو ہزار باویھ تئیں تھری ہزار میگا واٹ ودھ بجلی پیدا کرنڑاچ شامل اے۔ وزیراعظم ایں امر تے افسوس دا اظہار کیتا جو بدقسمتی نال پچھلے 15 سالاں وچال آونڑ آلیاں حکومتاں ایں مسئلہ کوں نظر انداز کیتا اے۔ انھاں آکھے جو بجلی دی پیداوار اچ ودھارے نال اقتصادی ترقی تے صنعتی سرگرمیاں زور پکڑیسن۔۔ انھاں آکھیا جو اساڈا توانائی دا منصوبہ اساڈے اقتصادی وژن دا محور اے ااتے ایندے تے عمل درآمد اتے توانائی دے منصوبیاں دی تکمیل اچ کوئی سستی ہرگز برداشت نہ کیتی ویسی ۔ اجلاس کو ںپاکستان اچ بجلی دے جاری منصوبہ جات دی گنجائش اتے مدت بارے تفصیلی بریفنگ ڈتی گئی اے۔ اجلاس کوں ڈسایا گیاجو 7 توں 8 ہزار میگاواٹ دے متوقع شارٹ فال دے مقابلے اچ مارچ 2018ءتئیں گھٹ ودھً 10996 میگاواٹ بجلی نیشنل گرڈ اچ مل ویسی۔ نیشنل گرڈ اچ بجلی دے نشابرنتیجے اچ ملک توں لوڈ شیڈنگ دا خاتمہ تھیسی۔ اجلاس کو ں ڈسایا گیا جو ملک دے تمام حصیاںاچ ٹرانسمیشن سسٹم کو ں چنگا کرنڑ کیتے کوششاں کیتیاں ویندیاں پئین ۔ اجلاس اچ خزانہ دے وزیر اسحاق ڈار، منصوبہ بندی تے ترقی دے احسن اقبال، پانڑی تے بجلی دے وزیر خواجہ محمد آصف، پنجاب دے وزیر اعلی محمد شہباز شریف تے وزیراعظم دے معاون خصوصی طارق فاطمی تے ڈوجھے سینئر حکام شرکت کیتی۔
