وزیراعظم محمد نواز شریف دا وفاق ایوانہائے صنعت و تجارت دے 40 ویں ایکسپورٹ ایوارڈز دی تقریب توں خطاب

Pakistan's Prime Minister Nawaz Sharif speaks during a news conference with Thailand counterpart Yingluck Shinawatra (not pictured) at the Prime Minister's residence in Islamabad August 20, 2013. REUTERS/Mian Khursheed (PAKISTAN - Tags: CIVIL UNREST POLITICS)

ترقی سانگے اساڈا عزم جواں ہے،چیلنجز نال چنگے طریقے نال نبڑدے پیوں،کراچی دیاںروشنیاں ، لوکاں دا اعتماد بحال تھیا ہے
اسلام آباد۔ 15 دسمبر (اے پی پی) وزیراعظم محمد نواز شریف آکھیا ہے جو موجودہ حکومت شرح نمو اچ ودھارے تے توجہ ڈتی ہوئی ہے ،صنعتی زرعی تے بئے شعبیں سانگے سارے وسائل استعمال کیتے ویندے پن ،ملک توں بے روزگاری تے ،غربت ،جہالت دے خاتمے دا انحصار اساڈی شرح نمو تے ہے ۔بر آمدات اچ 25توں 30فیصد وادھے دی توقع رکھیندوں ۔روزگار دے نویں موقع پیدا کرنڑ سانگے حکومتی ایجنڈے دے نال نال عوام کوں صحت تے تعلیم دیاں چنگیاں سہولتاں دی فراہمی کوں ترجیح ڈے رکھی ہے ۔دہشت گرداں دی چیل ترٹ گی ہے ،فتہ فساد کوں کچل ڈیونڑ اساڈے ایمان دا حصہ ہے ،بجلی دی لوڈشیڈنگ دا منڈھوں خاتمہ کریسوں ۔انہاں خیالاں دا اظہار انہاں خمیس کوں وفاق ایوانہائے صنعت تے تجارت دے 40 ویں ایکسپورٹ ایوارڈز دی تقریب توں خطاب کریندے ہوئیں کیتا۔ ایں موقع تے وزیر خزانہ محمد اسحاق ڈار، وزیر تجارت خرم دستگیر، وفاق ایوانہائے صنعت تے تجارت پاکستان دے صدر عبدالرئوف عالم، ٹریڈ ڈویلپمنٹ اتھارٹی آف پاکستان دے چیف ایگزیکٹو افسر ایس ایم منیر، تاجر رہنماواں افتخار ملک، محمد ادریس، زبیر طفیل اتے خالد تواب دے علاوہ وزیراںئ، ارکان پارلیمنٹ، اعلیٰ حکام اتے تاجراں تے صنعت کاراں دے نمائندے وی موجود ہن۔ وزیراعظم نواز شریف آکھیا جو چیلنج بہوں وڈے ہن تے انہاں نال نبڑنڑ سوکھا کائناں ہا ، اللہ سئیں دا فضل تے کرم اتے خاص احسان اتے تساں دا تعاون ہا جیں دی وجہ توں اساں انہاں چیلنج کوں آہستہ آہستہ نبیڑ ڈتا، ماضی دیاں غلط پالیسیاںپاروں پاکستان دا جیرھا حال تھی گیا ہے اینکوں ٹھیک کرنڑ سانگے وقت چاہیدا ہا ، اج تئیں ماضی دیاں غلطیاں ٹھیک کرنڑ اچ لگے ہوئے ہوں ۔