وزیراعظم محمد نواز شریف 20 توں22 دسمبر تئیں بوسنیا ہرزیگووینا دا دورہ کریسن

اسلام آباد ۔ 19 دسمبر (اے پی پی) وزیراعظم محمد نواز شریف 20 توں 22 دسمبر تئیں بوسنیا ہرزیگووینا دا دورہ کریسن جیندی دعوت انہاں کوں بوسنیا دی وزراءکونسل دے چیئرمین (وزیراعظم) ڈاکٹر ڈینس زیویدوک ڈتی ہے ۔ وزراعظم محمد نواز شریف آپنڑیں ہم منصب نال کلہی ملاقات کریسن جیند ے اچ باہمی دلچسپی دے ڈوطرفہ، علاقائی اتے عالمی امور تے گالھ مہاڑ تھیسی ۔ دفتر خارجہ ولوں سنوار کوں جاری بیان دے مطابق ڈوہائیں پاسوں وفود دی سطح تے وی مذاکرات کریسن۔ ڈوہائیں ملک سیاسی، تجارتی اتے اقتصادی تعلقات ، بین الپارلیمانی رابطیاں اتے ثقافتی تے تعلیمی گانڈھے دے فروغ تے خصوصی توجہ ڈیندے ہوئیں وڈے آپسی گانڈھے دا جائزہ گھنسن۔ وزیراعظم نواز شریف بوسنیا دی پریذیڈینسی دے ارکان دے علاوہ پارلیمانی اسمبلی دے ایوان زیریں اتے ایوان بالا دے اگوانڑاں اتے رکناں نال ملسن۔ وزیراعظم بوسنیا ہرزیگووینا دے کاروباری فورم نال خطاب کریسن، اتے فارن ٹریڈ چیمبر اینڈ فارن انویسٹمنٹ پروموشن ایجنسی دے رکناں نال وی ملسن۔