اسلام آباد ۔ 04 دسمبر (اے پی پی)وزیر اعظم دے مشیر برائے خارجہ امور سرتاج عزیز 4ملکاں دے وزراءخارجہ دے نال اتوار کوں وزیر اعظم نریندر مودی نال ملاقات کیتی ۔ افغانستان بارے استنبول مذاکراتی عمل دی چھیویں وزارتی کانفرنس دے موقعے تے وزیر اعظم دے مشیر برائے خارجہ امور سرتاج عزیر کرغزستان ، ایران، افغانستان اتے سلواکیہ دے وزراءخارجہ دے نال نریندر مودی نال ملاقات کیتی۔ سلواکیہ کولوں ایں مہینے کیتے یورپی یونین دی سربراہی وی ہے۔ بھارتی وزارت خارجہ دے ترجمان ویکاس سوادپ میڈیا کوں ڈسایا جو مودی وزراءخارجہ دا خیر مقدم کیتا اتے ایں گالھ تے زور ڈتا جو افغانستان کوں موجودہ درپیش مشکلات توں کڈہنڑ کیتے اجتماعی طورتے کم کرنڑاں خطے دے سارے ملکاں دی ذمہ داری ہے ۔ وزیر اعظم مودی آکھے جو انہاں افغانستان دی قیادت اتے عوام نال کئی واری نویکلی ملاقاتاں کیتیاں ہن جیندے دوران او ایں گالھ تے منیچ گئے ہن جو افغان عوام مسلسل دہشتگردی اتے تشدد دے واقعات توں تنگ آ گئے ہن ۔ سوارپ دا بیا ڈساونڑ ہئی جو انہاں خطے اچ افغانستان اچ ترقی ، سلامتی اتے استحکام دے فروغ کیتے تشدد اتے دہشتگردی کوں مکاونڑ دی لوڑ تے زور ڈٹااتے ایں تناظر اچ وزیر اعظم توقع ظاہر کیتی جو وزارتی کانفرنس نتیجہ خیز تھیسی ۔
