وزیر مملکت پانڑیں تے بجلی عابد شیر علی دا قومی اسمبلی اجلاس اچ سوالاں دے وقفے دے دوران اظہار خیال

دیامر بھاشا ڈیم دی تعمیر دے منصوبے تے 2017ء اچ کم شروع کیتا ویسی ، حکومت سستی بجلی پیدا کرنڑ سانگے سارے غیر متنازعہ پن بجلی منصوبیں تے کم پورا کریسی
اسلام آباد ۔16دسمبر(اے پی پی) وزیر مملکت پانڑیں تے بجلی عابد شیر علی آکھیا ہے جو اساڈی حکومت دی پہلی کوشش ہے جو سستی بجلی بنڑائی ونجے ایں سلسلے اچ حکومت دیا مر بھاشا ڈیم دی تعمیر سانگے پیشرفت کیتی ہے ۔ایں منصوبے دے 2017اچ کم پورا تھی ویسی حکومت سستی بجلی پیدا کرنڑ سانگے سارے غیر متنازعہ پن بجلی منصوبیں تے کم پورا کریسی ۔جمعے کوں قومی اسمبلی دے اجلاس اچ سوالاں دے وقفے دے دوران وزیر مملکت پانڑیں تے بجلی عابد شیر علی قومی اسمبلی کوں ڈسایا جو اساڈی کوشش ہے جو بجلی دی پیدا واری لاگت گھٹ کرتے سستی بجلی ڈیووں ۔سستی بجلی پیدا کرنڑ دے جیرھے منصوبیں تے کم جاری ہے انہاں دے پورا تھیونڑ دے بعد بجلی دیاں مزید قیمتاں گھٹ تھی ویسن ۔عائشہ سید دے سوال د ے جواب اچ وزیر مملکت آکھیا جو دیامر بھاشا ڈیم دی تعمیر دے منصوبے تے 2017ء اچ کم شروع کیتا ویسی ، حکومت سستی بجلی پیدا کرنڑ سانگے سارے غیر متنازعہ پن بجلی منصوبیں تے کم پورا کریسی ۔