بیجنگ ۔ 28 دسمبر (اے پی پی) وفاقی وزیرمنصوبہ بندی، ترقی تے اصلاحات پروفیسر احسن اقبال تے وزیراعلیٰ خیبر پختونخوا پرویز خٹک وچال بدھ کوں بیجنگ اچ مختصر تے غیر رسمی ملاقات تھی۔ وزیراعلیٰ پرویز خٹک خیبر پختونخوا د ے نویں منصوبیں دی سی پیک اچ شمولیت دے امکان تے اظہار اطمینان کیتا ۔ ایں موقع تے پرویز خٹک آکھیا جو جے سی سی اجلاس اچ شرکت کرتے چنگے تجربے حاصل تھیے ہن اتے کافی کامیاب ملاقاتاںتھیاں جیں دے ڈو رس نتیجے بر آمد تھیسن ۔انہاںآکھیا جو سی پیک پاکستان سانگے نی بلکہ پورے خطے سانگے گیم چینجر ثابت تھیسی ۔انہاںآکھیا جو سی پیک دے تحت منصوبیں نال کے پی کے اتے فاٹا دے علاقیں دی تقدیر بدل ویسی ۔وفاقی وزیر احسن اقبال آکھیا جواساکوںخوشی ہے جو تساڈے نال ملاقاتاں کامیاب رہیاں ،خیبر پختونخوا اچ نویں منصوبیں دی سی پیک اچ شمولیت نال پاکستان مضبوط تھی ویسی ۔احسن اقبال آکھیا جو وفاقی حکومت دی ہمیشہ کوشش رہی ہے جو سی پیک اچ سارے صوبیں کوں شامل رکھیا ونجے اتے پسماندہ علاقے کوں ترقی دے دھارے اچ شامل کرنڑ وزیراعظم پاکستان دے خواب دی تعبیر ہے ۔
