اسلام آباد ۔ 23 دسمبر (اے پی پی) وفاقی وزیر خزانہ سینیٹر اسحاق ڈار نال ورلڈ بینک دے ہک وفد کنٹری ڈائریکٹر پچاموتھو ایلان گوان دی قیادت اچ ملاقات کیتی اتے عالمی بینک دے مجوزہ ڈویلپمنٹ پالیسی کریڈٹ فار گروتھ دا جائزہ گھدا۔ وزیر خزانہ مختلف پالیسی اقدامات اتے عالمی بینک دی مدد نال مختلف منصوبیاں تے عملدرآمد دی صورتحال دا جائزہ گھدا۔ انہاں منصوبیاں تے عملدرآمد دی رفتار تے اطمینان دا اظہار کیتا اتے عالمی بینک ولوں مختلف ترقیاتی منصوبیاں اچ پاکستان نال تعاون دی تعریف کیتی ۔ ایں موقعے تے فریقین اصلاحاتی عمل کوں تیز کرنڑ تے اتفاق کیتے جیندے نال نظام اچ اقتصادی فعالیت اتے شفافیت امسی ۔ ورلڈ بینک دے کنٹری ڈائریکٹر موجودہ حکومت ولوں مختلف شعبیاں اچ شروع کیتی گئی اصلاحات دی تعریف کیتی ۔ملاقات اچ سیکرٹری اقتصادی امور ڈویژن دے علاوہ وزارت خزانہ اتے عالمی بینک دے سینئر حکام وی موجود ہن ۔
