پاکستان دی لائن آف کنٹرول تے بھارتی فورسز دی بلا اشتعال فائرنگ اتے سکول بالاں دی وین کوں نشانہ بنڑاونڑ دی مذمت،بھارتی ڈپٹی ہائی کمشنر جے پی سنگھ دی دفتر خارجہ طلبی

اسلام آباد ۔ 16 دسمبر (اے پی پی) پاکستان ‘ لائن آف کنٹرول تے نکیال سیکٹر اچ بھارتی فورسز دی بلا اشتعال فائرنگ اتے سکول بالاں دی وین کوں نشانہ بنڑاونڑ دی مذمت کریندیں ہوئیں بھارت نال شدید احتجاج کیتے۔بھارتی ڈپٹی ہائی کمشنر جے پی سنگھ کوںجمعہ کوں دفتر خارجہ سڈ کراہیں احتجاجی مراسلہ انہاں دے حوالے کیتا گئیا۔دفتر خارجہ دے ترجمان دے مطابق ڈائریکٹر جنرل(جنوبی ایشیاء و سارک) ڈاکٹر محمد فیصل ‘ بھارتی ڈپٹی ہائی کمشنر جے پی سنگھ کوں سڈیا اتے جمعہ کوں ایل او سی تے نکیال سیکٹر اچ بھارتی فورسز ولوں بلا اشتعال سیز فائر دی خلاف ورزی اتے سکول وین کوں نشانہ بنڑاونڑ دی سخت مذمت کیتی جئیں دے نتیجے اچ ہک سویلین شہید اتے چار بال زخمی تھیے۔