بیجنگ ۔ 24 دسمبر (اے پی پی) پاکستان دے سارے صوبیاں دے وزراء اعلی دی 29 دسمبر کوں بیجنگ اچ تھیونڑا آلی پاک چین اقتصادی راہداری دی سانجھی تعاون کمیٹی (جے سی سی) دے اجلاس اچ شرکت متوقع ہے۔ ایں اجلاس اچ دسمبر 2017ء تئیں مختلف منصوبیاں دا جائزہ گھدا ویسی ، جڈانجو آندے سال کیتے نویں صنعتی اتے توانائی دے منصوبیاں بارے فیصلے وی متوقع ہے ۔ بیجنگ اچ پاکستانی سفارتخانہ دے ہک عہدیدار ”اے پی پی” کوں ڈسایا جو گلگت بلتستان سمیت سارے صوبائی سیکریٹریٹس توں ایں اہم اجلاس اچ شرکت دی تصدیق تھی گئی ہے ۔ وفاقی وزیر منصوبہ بندی ،ترقی تے اصلاحات ا حسن اقبال پاکستانی وفد دی قیادت اتے نمائندگی کریسن۔ چین دے قومی ترقی اتے اصلاحات کمیشن دے نائب چیئرمین اجلاس اچ چین دی نمائندگی کریسن۔ وزیراعلی پنجاب محمد شہباز شریف، وزیراعلی خیبرپختونخوا پرویز خٹک، وزیر اعلی سندھ سید مراد علی شاہ، وزیراعلی بلوچستان سردار ثناء اللہ زہری، وزیراعلی گلگت بلتستان حفیظ الرحمان اتے 15 وفاقی اتے صوبائی سیکریٹریز ایں اجلاس اچ شریک تھیسن۔
