لاہور۔03 دسمبر(اے پی پی )صوبائی وزیر کوآپریٹو و چیئرمین چولستان ڈویلپمنٹ اتھارٹی ملک محمد اقبال چنڑ آکھیا جو چولستانیاں دی مشکلاں کوں دور کرنڑ اتے انہاں کوں ہر قسم دی سہولتاں ڈیونڑ سانگے ترقیاتی سکیماں شروع کیتیاں ویندیاں پئن،چولستان اچ 40کروڑ روپے دی لاگت نال ترقیاتی منصوبیاں کوں پورا کیتا ویسی۔اتے ایں بارے جلدی عملی کم شروع تھی ویسن۔اے گالھیں انہاں ہفتہ کوں روز کیمپ آفس اچ چولستانیاں دے وفد نال ملاقات اچ آکھیا جو چولستان جنوبی پنجاب دا اہم ترین خطہ اے جیڑھا جوپورے ڈویژن اچ کنڈھیاہوئیا اے،اتھاں دے رہنڑ آلیاں کوں احساس کمتری توں کڈھنڑ ویلھے دی اہم لوڑھ اے۔
