اسلام آباد ۔ 31 جنوری (اے پی پی) فلسطین دے صدر محمود عباس دے اعزاز اچ منگل کوں وزیراعظم ہاﺅس اچ باضابطہ استقبالیہ تقریب تھئی جیہڑے جوگزریل شام توں پاکستان دے دورے اُتے آئے ہوئے ہن ۔ وزیراعظم محمد نواز شریف ایوان وزیراعظم دے مرکزی دروازے اُتے مہمان صدر دا پرتپاک خیر مقدم کیتا۔ پاک فوج دے چاق و چوبند دستے انہاں کوں سلامی پیش کیتی۔ ایں موقعے تے ڈوہائیں ملکاں دے قومی ترانے وی وجائے گئے ۔ صدر محمود عباس گارڈ آف آنر دا معائنہ کیتا اتے بعد اچ وزیراعظم محمد نواز شریف آپنڑیں کابینہ دے رکناں دا فلسطینی صدر نال تعارف کروایا، جڈانجو فلسطینی صدر آپنڑیں وفد دا وزیراعظم نال تعارف کروایا۔ ایندے بعد وزیراعظم محمد نوازشریف اتے فلسطینی صدر محمود عباس وچال ون ٹو ون ملاقات اتے وفود دی سطح تے مذاکرات تھئے ۔