اسلام آباد ۔ 17 جنوری (اے پی پی) وزیر دفاع خواجہ محمد آصف آکھیا جو پانامہ کیس اچ ہنڑ تئیں عمران خان دا موقف پارلیمان اچ وزیراعظم دی تقریر تئیں محدود تھی چکیے،پانامہ کیس دے بعد عمران خان اچ سیاسی رمق وی باقی کائنا رہسی،وزیراعظم دے ورکر ایں ویلھے وی ہن جڈاں حزب اختلاف اچ ہن۔اے گالھ انہاں منگل کوں میڈیا نال گالھ مہاڑ کریندیں ہوئیں آکھی۔انہاں آکھیا جو تحریک انصاف ولوں انٹرنیٹ اتے اخباری تراشیاں تے بنڑایا گئیا کیس نظر امدا پئے،اوندے بعد دھرنا ڈتا گئیا اتے دھاندلی دے الزامات لاتے گئے اتے چار وکٹاں گھنڑ دی گالھ کیتی گئی جنہاں اچوں ڈو آپ دے سامنڑے کھڑی ہن ۔انہاں آخھیا جو عمران خان دا کیس وزیر اعظم دی پارلیمنٹ دی تقریر تئیں محدود تھی گئے اتے سارے الزامات نی نظر امدے پئے ۔
