اسلام آباد ۔ 17 جنوری (اے پی پی) محکمہ موسمیات دے مطابق آندے 24گھنٹے دے دوران ملک دے ودھ سارے اتلے علاقیں اچ موسم جھڑ آلا رہسی جڈاں جو مالاکنڈ، ہزارہ، پشاور، کوہاٹ، راولپنڈی، گوجرانوالہ، سرگودھا، لاہور، ژوب ڈویژن، فاٹا، اسلام آباد، کشمیر اتے گلگت بلتستان اچ کجھ جہیں تے مزید مینھ وسسی تے پہاڑاں تے برف پوونڑ دا امکان ہے۔ ملک دے بئے علاقیں اچ موسم ٹھڈا تے رکھا رہسی۔ رپورٹ دے مطابق پنجاب دے میدانی علاقیں اتے اتلے سندھ اچ رات اتے سویل دے ویلھے کوہیڑ پوونڑ دا امکان ہے ۔ محکمہ موسمیات دے مطابق گزریل ڈینھ مالاکنڈ، ہزارہ، راولپنڈی ڈویژن اتے کشمیر اچ کجھ جہیں تے کھمنڑ نال مینھ تے پہاڑاں تے برف پئی جڈاں جو ملک دے بئے علاقیں اچ موسم ٹھڈا تے رکھا رہیا۔ محکمہ موسمیات ولوں ریکارڈ کیتا گیا مینھ مالم جبہ اچ 5 ملی میٹر، میرکھانی4، دیر3، کالام، دروش، بالاکوٹ2، چترا ل ہک، مظفرآباد4، کوٹلی3، گڑھی دوپٹہ ہک، منگلا2، مری ہک ملی میٹر بارش اتے مالم جبہ اچ 2انچ، کالام ہک انچ اتے مری اچ .5انچ برف باری ریکارڈ کیتی گی۔ منگل کوں ریکارڈکیتی گی ٹھڈی ترین جاہ درجہ حرارت دی رپورٹ دے مطابق سکردو اچ درجہ حرارت منفی12 ڈگری سینٹی گریڈ، گوپس منفی9، کالام، استور منفی8، پاراچنار منفی7، مالم جبہ، راولاکوٹ منفی6، قلات اتے بگروٹ منفی5 ڈگری سینٹی گریڈ ریکارڈکیتا گیا۔
