اسلام آباد ۔23 جنوری (اے پی پی) محکمہ موسمیات دا آکھنڑ ہے جو24گھنٹے دے دوران اسلام آباد اتے راولپنڈی سمیت اتلے پنجاب، خیبر پختونخوا، کشمیر تے گلگت بلتستان اچ کتھائیں کتھائیں مینھ تے پہاڑاں تے برف باری دا امکان ہے۔ پی ٹی وی دے مطابق گزریل24 گھنٹے دے دوران ملک دے ودھ سارے علاقیں اچ موسم ٹھڈا تے رکھا رہیا جڈاں جو بلوچستان دے پہاڑی علاقیں اچ برف باری دا سلسلہ ولا شروع تھی گیا ہے جیرھا جو آندے بدھ تئیں جاری رہنڑ دا امکان ہے ۔ آندے 24 گھنٹے دے دوران اسلام آباد اتے راولپنڈی سمیت اتلے پنجاب، خیبر پختونخوا، کشمیر ، گلگت بلتستان تے بلوچستان اچ کتھائیں کتھائیں مینھ تے پہاڑاں تے برف باری دا امکان ہے بلوچستان دے اچ ودھ ساریاں جہیں تے مینھ وسنڑ دا امکا ن ہے ۔ محکمہ موسمیات دے مطابق آندے ہفتے ملک دے مختلف شہراں کوئٹہ ژوب اتے قلات اچ پہاڑاں تے برف باری، منگل اتے بدھ کوں سندھ اچ وی کتھائیں کتھائیںکھمنڑ نال مینھ جڈاں جو بدھ اتے خمیس کوں کشمیر اتے ہزارہ ڈویژن اچ کتھائیں کتھائیں ودھ سارا مینھ تے پہاڑاں تے برف باری دا امکان ہے ۔
