اسلام آباد ۔ 18 جنوری (اے پی پی) محکمہ موسمیات ولوں جاری کیتی گی موسم دی تازہ ترین صورت حال دے مطابق ، گلگت بلتستان، اسلام آباد، مالاکنڈ، ہزارہ، پشاور اتیمردان ڈویژن اچ بارش اتے پہاڑاں تے برف باری دا سلسلہ جاری ہے۔ مری اتے ایندے نیڑے دے علاقیں اچ رات توں برف باری دا سلسلہ وقفے وقفے نال جاری ہے اتے گزریل 24گھنٹے دے دوران مری اچ 2 فٹ برف پئی ہے۔رپورٹ دے مطابق گزریل 24 گھنٹے دے دوران اسلام آباد، راولپنڈی، گوجرانوالہ، سرگودھا، مالاکنڈ، پشاور، بنوں ڈویژن، فاٹا اتے کشمیر اچ کجھ جہیں تے بارش اتے پہاڑاں تے باری تھی ہے جڈاں جو ملک دے بئے علاقیں اچ موسم ٹھڈا تے رکھا رہیا ۔ محکمہ موسمیات دے مطابق مری اچ32 ملی میٹر ، اسلام آباد16،کامرہ10، منڈی بہائوالدین07، راولپنڈی7، سرگودھا ہک، رسالپور11، مالم جبہ10، چراٹ7، پشاور9، دیر، پاراچنار2، بنوں،کالام اتے سیدوشریف اچ ہک ، گڑھی دوپٹہ8، راولاکوٹ5، کوٹلی 4 اتے مطفرآباد اچ ہک ملی میٹر بارش جڈا ں جو مالم جبہ اچ 3انچ، راولاکوٹ اتے کالام اچ ہک انچ برف ریکارڈ کیتی گی ہے ۔ بدھ کوں ملک اچ ریکارڈ کیتے گے درجہ حرارت دی رپورٹ دے مطابق سکردو اچ درجہ حرارت منفی10 ڈگری سینٹی گریڈ، گوپس منفی9، استور، پاراچنار منفی7، کالام منفی 6، قلات، مری، مالم جبہ منفی 5، بگروٹ اتے گلگت منفی4 ڈگری سینٹی گریڈ ریکارڈ کیتا گیا۔ رپورٹ دے مطابق آندے 24گھنٹے دے دوران مالاکنڈ، ہزارہ، پشاور، راولپنڈی، گوجرانوالہ ڈویژن، فاٹا، اسلام آباد، کشمیر تے گلگت بلتستان اچ کجھ جہیں تے تکھا مینھ تے پہاڑاں تے برف باری دا امکان ہے۔ ملک دے بئے علاقیں اچ موسم ٹھڈا تے رکھا رہسی جڈاں جو پنجاب دے میدانی علاقیں اتے اتلے سندھ اچ رات تے سویل دے ویلھے کوہیڑ پوسی
