اپریشن ضرب عضب اتے فوجی عدالتاں دہشتگردی گھٹ کرنڑ اچ اہم کردار ادا کیتا ، مائزہ حمید

اسلام آباد ۔ 11 جنوری (اے پی پی) پاکستان مسلم لیگ (ن) دی رہنما مائزہ حمید آکھیا جو وزیراعظم محمد نواز شریف ساریاں سیاسی جماعتاں نال مشورے دے بعد فوجی عدالتاںدی توسیع بارے اچ کہیں فیصلے دا اعلان کریسن ۔ذرائع ابلاغ نال گالھ مہاڑ کریندے ہوئیں انہاں آکھیا جو وزیر اعظم پاکستان اپریشن ضرب عضب دے شروع توں پہلے ساریاں سیاسی جماعتاں نال مشورے کیتے ہن ۔انہاں آکھیا جو وزیراعظم ہک جمہوری بندے ہن اتے سارے ملکی امور سیاسی دی سانجھی مشاورت نال ہی کریندے ہن ۔مائزہ حمید آکھیا جو 16دسمبر 2014کوں پشاور اچ واقع آرمی پبلک سکول ( اے پی ایس ) اچ دہشت گرداںدے حملے پاروں 144بالاں دی شہادت دے بعد جنوری 2015اچ ڈو سال دی مدت سانگے فوجی عدالت دا قیام عمل اچ آیا ۔اپنڑی مدت دے دوران انہاں عدالتاں 274مقدمے نبیڑیے تے161دہشت گرداں کوں سزائے موت ،113دہشت گرداں کوں مختلف مدت اچ قید دی سزا ڈتی گی ۔