اسلام آباد ۔13جنوری(اے پی پی) ایوان بالا کوں ڈسایا گیا جو ایکسپورٹ ڈویلپمنٹ سرچارج دی مد اچ ایکسپورٹس گھٹ تھیونڑ دی وجہ توں گزریل سال رقم گھٹ جمع تھی۔ جمعے کوں ایوان بالا دے اجلاس اچ سوالاںدے وقفے دے دوران سینیٹر عتیق شیخ دے سوال دے جواب اچ وزیر قانون زاہد حامد ڈسایا جو 2015-16دے دوران ایکسپورٹ ڈویلپمنٹ سرچارج دے طور تے پنج ہزار 365 اعشاریہ 62 ملین روپے وصول کیتے گے۔ ایکسپورٹ گھٹ تھیونڑ دی وجہ توں گزریل سال دے مقابلے اچ ایں سال رقم اچ گھٹکی تھی۔
