اسلام آباد ۔ 31 جنوری (اے پی پی) وزارت منصوبہ بندی تے ترقیات اجوکے مالی سال دے سرکاری شعبے دے ترقیاتی پروگراماں اچ بجلی دے شعبے دے ترقیاتی منصوبیں سانگے مجموعی طورتے 25 ارب 70 کروڑ روپے توں ودھ دے فنڈز جاری کر ڈتے ہن ۔ حکومت اجوکے مالی سال دے ترقیاتی پروگراماں اچ پاور سیکٹر سانگے 1 کھرب 30ارب روپے دے فنڈزرکھیے ہن۔ پلاننگ کمیشن دے جاری اعداو شمار دے مطابق حکومت کوئٹہ اچ 132 کے وی گرڈ اسٹیشن سانگے 7 کرور 84 لکھ ‘ پورٹ گوادراچ سب اسٹیشن سانگے 6 کروڑ ‘ بلوکی اچ 1200 میگا واٹ ایل این جی پاور پلانٹ سانگے 12 ارب 93کروڑ ‘ حویلی بہادر شاہ اچ 1200 میگا واٹ ایل این جی پاور پلانٹ سانگے 12 ارب 63 کروڑ روپے دے فنڈز جاری کر ڈتے ہن ۔
