برآمدی شعبہ ترقی کر یندا پیا ہے ‘ پنج برآمدی شعبیں تے ٹیکس ختم کرنڑ نال برآمدات ودھاونڑ اچ مدد مل ویسی’ ترکی اتے تھائی لینڈ دے نال آزاد تجارتی معاہدے سانگے مذاکرات تھیندے پے ہن وفاقی وزیر تجارت خرم دستگیر خان دا سینیٹ اچ سوالاں دے وقفے دے دوران جواب

اسلام آباد ۔17جنوری(اے پی پی) وفاقی وزیر تجارت خرم دستگیر خان آکھیا ہے جو برآمدی شعبہ ترقی کر یندا پیا ہے ‘ پنج برآمدی شعبیں تے ٹیکس ختم کرنڑ نال برآمدات ودھاونڑ اچ مدد مل ویسی’ ترکی اتے تھائی لینڈ دے نال آزاد تجارتی معاہدے سانگے مذاکرات تھیندے پے ہن،ایندے نال معیشت کوں فائدہ تھیسی ۔منگل کوں ایوان اچ سوالاں دے وقفے دے دوران سینیٹر طاہر حسین مشہدی دے سوال دے جواب اچ وفاقی وزیر تجارت آکھیا جو ملک کوں پچھلے ترائے توں خسارے دا سامنڑاں ہے ‘ ایں خسارے دا اساکوں کئی عشریں توں سامنڑاں ہے ،2015-16دے دوران تجارتی خسارہ 23ارب 96کروڑ روپے ریکار ڈ کیتا گیا ۔انہاں آکھیا جو وزیراعظم بر آمد کنند گان سانگے 180ارب روپے دی ڈیوٹی ڈرا بیک سپورٹ دا اعلان کیتا تاں جو اساڈے بر آمد کنند گان پوری دنیا دے بئے بر آمد کنند گان دا مقابلہ کر سگن ۔انہاں آکھیا جو گزریل سال نومبر اچ اساڈی بر آمدات اچ 2015دے ایں عرصے دے مقابلے اچ 6.2فیصد دا ودھارا تھیاہے ۔