تھر اچ بجلی دی پیداوار دے منصوبے نال علاقہ دی عوام خوشحال تھیسی اتے اقتصادی ترقی دی نویں راہواں کھلسن،وفاقی وزیر پانڑی تے بجلی خواجہ محمد آصف

اسلام آباد ۔ 25 جنوری (اے پی پی) فاقی وزیر پانڑی تے بجلی خواجہ محمد آصف آکھیاجو حکومت کوئلہ اتے پانڑی جیہے مقامی وسائل توں سستی بجلی گھنڑ تے توجہ ڈیندی پئی اے،تھر اچ بجلی دی پیداوار دے منصوبے نال علاقہ دی عوام خوشحال تھیسی اتے اقتصادی ترقی دی نویں راہواں کھلسن۔اے گالھیں انہاں بدھ کون اتھاں وزارت پانڑی تے بجلی اچ تھر کول نال بجلی دی پیداوار دے منصوبیاں تے جلدی عملدرآمد اتے بجلی دی خریداری بارے معاہدیاں تے دستخط دی تقریب اچ صحافیاں نال گالھ مہاڑ کریندیں ہوئیں آکھی۔انہاں آکھیا جو تھر اچ کوئلہ نال بجلی پیدا کرنڑ دے منصوبیاں اچ سرمایہ کاری سانگے سرمایہ کاراں دی حوصلہ افزائی کیتی ویندی پئی اے۔