جنرل قمر جاوید باجوہ دا پارہ چنار اچ آرمی پبلک سکول دے قیام دا اعلان

اسلام آباد ۔ 22 جنوری (اے پی پی)چیف آف آرمی سٹاف جنرل قمر جاوید باجوہ آکھے جو مذہب، زبان ، علاقائیت ،فرقہ، صوبائیت سمیت سارے فرق توں ہٹ تے اساں سارے پاکستانی ہئیں ، انہاں عوامی مطالبے اُتے پارہ چنار اچ معیاری تعلیم کیتے آرمی پبلک سکول دے قیام دا اعلان کیتا۔اتوار کوں آرمی چیف جنرل قمر جاوید باجوہ سی ایم ایچ پشاور دا دورہ کیتااتے پارہ چنار اچ چھنڑ چھنڑ کوں سبزی منڈی اچ تھیونڑآلے بم دھماکے دے زخمیاں دی عیادت کیتی۔انہاں پارہ چنار دا وی دورہ کیتا۔آرمی چیف کو ںپارہ چنار اچ دھماکے بارے تفصیلی بریفنگ ڈتی گئی ۔ آرمی چیف ایجینسی ہسپتال اچ ونج تے دھماکے دے زخمیاں دی عیادت کیتی۔ انہاں قبائلی عمائدین نال ملاقات وی کیتی۔ جنرل قمر باجوہ دہشت گردی کوں مکاونڑ کیتے تعاون اتے امن کیتے قبائلیاں دیاں قربانیاں دی تعریف کیتی ، قمرباجوہ آکھیا جو فوج ،ایف سی اتے قنون نافذ کرنڑآلے اداریاں دے تعاون نال علاقے اچ امن و استحکام آیا ہے اتے دہشت گرد ایں کوں ڈی ریل کرنڑا ناکام تھی ویسن ۔ انہاں آکھیا جو فرقہ وارانہ اتے قومی ہم آہنگی کیتے انہاں دا کردار قابل تعریف ہے ،انہاں عوامی مطالبے اُتے پارہ چنار اچ معیاری تعلیم کیتے آرمی پبلک سکول دے قیام دا اعلان کیتا۔ قبائلی عمائدین تعزیت کیتے آونڑاتے اے پی ایس دے قیام دے اعلان اُتے آرمی چیف دا شکریہ ادا کیتا۔انہاں امن اتے استحکام کیتے تعاون جاری رکھنڑ دا عزم کیتا۔ ایں توں پہلے پارہ چنار پجنڑ اُتے کمانڈر پشاور کور لیفٹیننٹ جنرل نزیر احمد بٹ انہاں دا استقبال کیتا۔