اسلام آباد ۔ 3 جنوری (اے پی پی) سپیکر قومی اسمبلی سردار ایاز صادق نال بحرین دے نیشنل گارڈزدے کمانڈر، آزاد جموں تے کشمیر اسمبلی دی ممبر اتے بیلا روس دے سفیر پارلیمنٹ ہائوس اچ منگل کوں انج انج ملاقات کیتی۔ملاقات اچ آپسی دلچسپی دے معاملے اتے اہم علاقائی اتے عالمی حالات بارے گالھ مہاڑ کیتی گئی۔بحرین دے نیشنل گارڈزدے کمانڈر لیفٹیننٹ جنرل شیخ محمد بن عیسیٰ بن سلمان الخلیفہ نال گالھ مہاڑ کریندیں ہوئیں انہاں آکھیا جو مسلم ملکاں وچال قریبی تعاون دہشت گردی اتے آپت دے اختلافات پاروں درپیش چیلنجاں دا مقابلہ کرنڑ سانگے ضروری اے۔بیلا روس دے سفیر آندرے ایرمولووچ نال گالھ مہاڑ کریندیں ہوئیں سپیکر ایاز صادق آکھیا جو پاکستان بیلاروس نال آپنڑے دوستانہ تعلقات کوں بہوں وڈی اہمیت ڈیندے اتے سماجی تے معاشی شعبیاں اچ تعاون دے ودھارے ڈو کراہیں ڈو پاسہ تعلقات کوں بئیا ودھاونڑ دی خواہش رکھیندے ۔
