صدر مملکت ممنون حسین دا پریس کونسل آف پاکستان دے وفد نال ملاقات دے دوران اظہار خیال

موجودہ حکومت آزادی صحافت دی قدر کریندی ہے،چاہندی ہے جو اخبارات عوام کوں حقائق تے مبنی خبراں پجاون ،پریس کوں معاشرے دی بیداری اتے بدعنوانی دے خلاف رائے عامہ کوں ہموار کرنڑ سانگے جدوجہد کرنڑیں چاہیدی ہے
اسلام آباد ۔ 25 جنوری (اے پی پی) صدر مملکت ممنون حسین آکھیا ہے جو موجودہ حکومت آزادی ء صحافت دی قدر کریندی تے تے چاہندی ہے جو اخبارات عوام کو ںمبنی برحقائق خبریںپجا ون ،ملک اچ ذرائع ابلاغ دے معیار کوں چنگاں بنڑاونڑ سانگے پریس کونسل دا کرداربہوں اہم ہے ایندی ذمے واری او قومی مقاصد دی تکمیل تے رائے عامہ کوں حقائق توں باخبر رکھنڑ سانگے اپنڑاں کردار ادا کرے ۔اے گالھ انہاں ڈاکٹر صلاح الدین مینگل دی سربراہی اچ پریس کونسل آف پاکستان دے وفد نال گالھ مہاڑ کریندے ہوئیں آکھی جنہاں ایوان صدر اچ انہاں نال ملاقات کیتی ۔صدر مملکت آکھیا جو پریس کوں معاشرے دی بیداری تے بد عنوانی دے خلاف رائے عامہ کوں ہموار کرنڑ سانگے جدو جہد کرنڑیں چاہید ی ہے ۔انہاں آکھیا جو کرپشن تے عبد عنوانی صر ف مالی نی ہوندی بلکہ اخلاقی وی ہوندی ہے اگر لوک اپنڑیاں ذمے واریاں احسن طریقے نال ادا نہ کرن تاں اے وی بد عنوانی دے زمرے اچ امدا ہے تے ہر ادارے دا سربراہ اپنڑے ادارے دی کاکردگی دا ذمے وار ہے ۔ انہاں وزارت اطلاعات کو ںہدایت کیتی جو پریس کونسل کو ںدفتر ڈیوے۔ وفد دے بئے ممبراں اچ رفیق احمد ڈاہر، سید اقبال جعفری، ناصر زیدی، عائشہ اکرام، سید ہارون شاہ، شاہجہان سید اتے محمد ابراہیم خان شامل ہن۔