اسلام آباد ۔ 3 جنوری (اے پی پی) صدر مملکت ممنون حسین چینی ہم منصب ولوںسالگرہ دے موقع تے نیک خواہشات دے پیغام دا شکریہ ادا کریندے ہوئیں آکھیا جو او پاک چین تعلقات کو ںمضبوط بنڑاونڑ اچ انہاںدی ذاتی دلچسپی کوں قدر دی نگاہ نال ڈیکھدے ہن ۔انہاں آکھیا جو پاکستان چین دے نال اپنڑی دوستی کوں بہوں اہمیت ڈیندا ہے تے ڈوہیں ملکاں دی دوستی مضبوط بنیاداں تے استوار ہے تے ڈوہیں ملک نہ صرف با اعتماد دوست بلکہ سٹریٹجک پارٹنر وی ہن ۔چینی صدر اپنڑے پیغام اچ صدر ممنون حسین سانگے نیک خواہشات دا اظہار کیتا اتے انہاں توں جون اچ شنگھائی تعاون تنظیم کانفرنس منعقدہ تاشقند اچ اپنڑی ملاقات تے مفید گالھ مہاڑ دا حوالہ ڈیندے ہوئیں آکھیا جو او پاک چین دوستی کوں تعلقات دیاں نویاں بلندیاں تئیں گھن ونجنڑ سانگے انہاں دے نال رل تے کم کرنڑ دے متمنی ہن ۔صدر ممنون حسین اپنڑے جواب اچ چینی صدر تے عوام سانگے نیک خواہشات دا اظہار کیتا ۔
