اسلام آباد ۔ 25 جنوری (اے پی پی) وزیر مملکت برائے نیشنل ہیلتھ سروسز ،ریگولیشنز و کوآرڈینیشن سائرہ افضل تارڑ ‘ عالمی اقتصادی فورم ڈیوس اچ شعبہ صحت دے ودھارے اتے عوام کوں معیاری ہیلتھ کیئر یقینی بنڑاونڑ اتے ضروری خدمات دی فراہمی سانگے پاکستان دی حکومت دے اقدامات کوں اجاگر کریندیں ہوئیں غریباں سانگے سستی دوائیں دی دستیابی دی اہمیت تے زور ڈتا۔دفترخارجہ دے ترجمان دے مطابق عالمی اقتصادی فورم ولوں پاکستان توں وزیر سڈنڑ دا اے پہلا موقع ہا۔فورم وچ سائرہ تارڑ مصروف ڈینھ گزاریا۔انہاں ہیلتھ اتے ہیلتھ سانگے مستقبل بارے بورڈ آف سٹیوارڈ سمیت چار پبلک سٹیشنز اچ شرکت کیتی۔ترجمان دے مطابق سائرہ تارڑ وومین لیڈرز ڈنر پائیداری اقتصادی ترقیاتی اہداف دے حصول بارے ورکشاپ اچ وی حصہ گھدا۔
