اسلام آباد ۔13جنوری(اے پی پی)وفاقی وزیر سائنس و ٹیکنالوجی رانا تنویر حسین ایوان بالا کوں ڈسایا جو بوتلاں اچ فروخت تھیونڑ آلے غیر معیاری منرل واٹر دے خلاف کاروائی کریندے ہوئیں کئی کمپنیاں اتے فیکٹریاں کوں سیل کیتا گیا ہے اتے 11برانڈ اچ کیمیکل دی آلودگی دا پتہ لگا ہے ،عوام اچ ایں حوالے نال آگاہی پیدا کرنڑ دی ضرورت ہے ۔جمعے کوں ایوان بالا دے اجلاس اچ سوالاں دے وقفے دے دوران سینیٹر اعظم سواتی دے سوال دے جواب اچ وفاقی وزیر سائنس و ٹیکنالوجی رانا تنویر حسین ڈسایا جو پیونڑ دے صاف پانڑیں دے معیار کوں چنگاں بنڑاونڑ پی ایس کیو سی اے اتے پی سی آر ڈبلیو آر دا مینڈیٹ کائنی ۔بوتلاں اچ جیرھا پانڑیں ہوندا ہے ایندا معیار چیک کرنڑ اساڈا مینڈیٹ ہے ۔اسلام آباد اچ پیونڑ دے صاف پانڑیں سانگے محفوظ واٹر سپلائی سانگے سی ڈی اے مختلف جہیں تے ٹیوب ویلز اتے فلٹریشن پلانٹ لاتے ہن
